దీని ఆకుల్ని ముద్దగా నూరి కొద్దిగా ఆముదం లేదా నువ్వుల నూనెతో కలిపి వేడి చేసి పైపూతగా వాడితే కీళ్లనొప్పులు, పార్శ్వశూల, అరచేయి, అరిపాదాల మంటలు తగ్గుతాయి. సెగ్గడ్డలు కూడా తగ్గుతాయి. దీని ఆకుల కషాయంతో కడిగితే వ్రణాలు (పుండ్లు) మానుతాయి.
కషాయాన్ని పుక్కిలి పట్టడం వల్ల నోటిపూత, దంత మూల వ్యాధులు నశిస్తాయి. ఈ చెట్టుబెరడుపైన ఉండే పట్టని ఎండించి చూర్ణం చేసి మజ్జిగతో ఒక చెంచా మోతాదులో రెండుపూటలా సేవిస్తే, వారం రోజుల్లో కామెర్లవ్యాధి (జాండిస్) తగ్గిపోతుంది.
