బూడిద గుమ్మడికాయ కూర

కావలసిన పదార్థాలు

• బూడిద గుమ్మడికాయ. 1/2కేజీ
• అరటికాయ. 1
• కంద లేదా బంగాళాదుంపలు. 100 గ్రా.
• గోరుచిక్కుడు లేదా బీన్స్. 100 గ్రా.
• క్యారెట్లు. 2
• ములక్కాడలు. 2
• పచ్చికొబ్బరి చిప్ప. 1
• ఉప్పు. తగినంత
• నూనె లేదా నెయ్యి. 4 టీస్పూ//.
• పెరుగు. 1 కప్పు
• పచ్చిమిరపకాయలు. 8

తయారు చేయు విధానం :

ముందుగా కూరగాయలన్నింటినీ కడిగి, చెక్కుతీసి సన్నగా తరిగి ఉప్పువేసి కుక్కర్‌లో ఉడికించుకోవాలి.

ఆవిరి అంతా పోయిన తరువాత కుక్కర్ మూత తీసివేసి అందులో మెత్తగా రుబ్బుకున్న పచ్చికొబ్బరి, పచ్చిమిరపకాయల ముద్దను వేసి మరికాసేపు ఉడికించాలి.

ఈ కూర కాసేపు చల్లారిన తరువాత పెరుగు, నూనె, తగినంత ఉప్పు వేసి బాగా కలపాలి. నూనె ఇష్టం లేనివారు నెయ్యి వాడవచ్చు. ఆంతే బూడిద గుమ్మడికాయ కూర రెడీ.