పెసరపప్పు పాలకూర

కావలసిన పదార్థాలు

• పెసరపప్పు. 1/4 కేజీ
• పాలకూర.4 కట్టలు
• అల్లంవెల్లుల్లి. 1 టీస్పూ//.
• పచ్చిమిర్చి. 2
• పసుపు. 1/4 టీస్పూ//.
• కొత్తిమీర. కాస్తంత
• నూనె. 4 టీస్పూ//.
• నిమ్మకాయ. 1
• తాలింపు కోసం
• ఆవాలు. 1/2 టీస్పూ//.
• జీలకర్ర. 1/2 టీస్పూ//.
• ఎండుమిర్చి. 4
• కరివేపాకు. 4 రెమ్మలు
• వెల్లుల్లి. 6 రెబ్బలు
• నూనె లేదా నెయ్యి. 4 టీస్పూ//.

తయారీ విధానం

పెసరపప్పులో ఉప్పు, పసుపు, 4 గ్లాసుల నీళ్లు పోసి ఉడికించి పక్కన ఉంచాలి.

బాణీలి లో నూనె పోసి వేడయ్యాక అల్లంవెల్లుల్లి వేసి ఓ రెండు నిమిషాలు వేయించి, ఆపై సన్నగా తరిగిన పాలకూరను వేసి ఉడికించాలి.

పాలకూర బాగా ఉడికిన తరువాత ఉడికించిన పెసరపప్పునూ కూడా వేసి కొద్దిగా నీళ్లు పోయాలి.

అందులోనే పచ్చిమిర్చిని కూడా వేసి మరో 10 నిమిషాలు తక్కువ మంటమీద ఉడికించాలి.

ఆ తరువాత కొత్తిమీర చల్లి నిమ్మరసం పిండితే సరి. చివర్లో.విడిగా బాణీలి పెట్టి నూనె లేదా నెయ్యి వేసి ఎండుమిర్చి, ఆవాలు, జీలకర్ర, వెల్లుల్లి, కరివేపాకులతో పోపు వేసి పప్పులో కలపితే వేడి వేడి పెసరపప్పు పాలకూర రెడీ అయినట్లే.