పొటాటో పెప్పర్ బర్డ్ నెస్ట్

కావలసిన పదార్థాలు

• బంగాళాదుంపలు. 1/2 కేజీ
• ఉప్పు. తగినంత
• మిరియాలపొడి. 2 టీస్పూ//.
• నిమ్మకాయలు. 2
• సేమ్యా. 200 గ్రా.
• కోడిగుడ్లు. 2
• నూనె వేయించేందుకు సరిపడా

తయారీ విధానం

బంగాళాదుంపల్ని తొక్క తీసి ఉడికించాలి. దుంపలు కాస్త చల్లారాక వాటిని గరిటెతో మెత్తగా మెదపాలి.

అందులోనే మిరియాలపొడి, ఉప్పు, నిమ్మరసం వేసి బాగా కలపాలి. ఈ మిశ్రమాన్ని కోడిగుడ్డు ఆకారంలో ఉండలుగా చేయాలి.

ఓ చిన్నగిన్నెలో గుడ్లసొన వేసి బాగా గిలకొట్టాలి. ఉండలుగా చేసిన దుంప ముద్దల్ని గుడ్డుసొనలో ముంచి తరవాత సేమ్యాలో దొర్లించి తీయాలి.ఇలానే అన్నీ చేసుకోవాలి.

ఓ బాణలిలో సరిపడా నూనె పోసి కాగుతుండగా, పైన తయారు చేసిన ఉండల్ని వేసి బంగారు వర్ణం వచ్చేదాకా వేయించి తీసేయాలి. అంతే వేడి వేడి పొటాటో పెప్పర్ బర్డ్ నెస్ట్ రెఢీ.