బంగాళాదుంప-వంకాయ కూర

కావలసిన పదార్థాలు

• వంకాయలు. 2
• బంగాళాదుంపలు. 4
• పసుపు. 1 టీస్పూ//.
• కారం. 2 టీస్పూ//.
• నూనె. వేయించేందుకు సరిపడా
• గరంమసాలా. 2 టీస్పూ//.
• నిమ్మరసం. 1 టీస్పూ//.
• కొత్తిమీర తురుము. కొద్దిగా
• ఉప్పు. తగినంత
• నూనె. నాలుగు టీస్పూ//.

తయారు చేయు విధానము :

వంకాయని పలుచని గుండ్రని ముక్కలుగా కోసి. వాటిమీద ఉప్పు, కారం, పసుపు చల్లి పక్కన ఉంచాలి. బాణెలిలో నూనె పోసి ఈ ముక్కల్ని వేయించి తీయాలి.

బంగాళాదుంప ముక్కల్ని ఉడికించి తొక్క తీసి, ఉప్పు, గరంమసాలా వేసి మెత్తగామెదపాలి.

వంకాయ ముక్కల్ని చిన్నపాటి చిప్పల్లా చేసి అందులో ఉడికించిన బంగాళాదుంప ముక్కల మిశ్రమాన్ని పెట్టాలి.

స్టవ్‌మీద బాణెలి పెట్టి 2 టీస్పూన్ల నూనెని చిలకరించి బంగాళాదుంపల మిశ్రమం పెట్టిన వంకాయ ముక్కల్ని బాణలిలో పెట్టి తక్కువ మంటమీద 2 నిమిషాలు మగ్గనిచ్చి దించేయాలి.

చివరగా కొత్తిమీర చల్లి నిమ్మరసం పిండి వడ్డించాలి. అంతే ఆలూ వంకాయ స్పెషల్ రెడీ .