శెనగపప్పుతో కాయగూరల మసాలా

కావలసిన పదార్థాలు

• శెనగపప్పు. 1/4కిలో
• సొరకాయ. 1/2కిలో
• ఉల్లిపాయలు. పెద్దవి 2
• టొమోటోలు. 2
• బెల్లం. చిన్నముక్క
• చింతపండు గుజ్జు. 2 టీస్పూ//.
• ఎండుమిర్చి. నాలుగు
• పసుపు. 1 టీస్పూ//.
• ఆవాలు. 1 టీస్పూ//.
• కరివేపాకు. 1 కట్ట
• జీలకర్ర. 1 టీస్పూ//.
• వెల్లుల్లి. 1 టీస్పూ//.
• కొత్తిమీర తురుము. 1 టీస్పూ//.
• ఉప్పు. తగినంత
• నూనె. 2 టీస్పూ//.
• నెయ్యి. నాలుగు టీస్పూ//.

తయారీ విధానం

సెనగపప్పు కడిగి ఉడికించాలి. సొరకాయ తొక్కుతీసి ముక్కలుగా కోసి ఉంచాలి.

పప్పు సగం ఉడికిన తరవాత సొరకాయ ముక్కలు వేసి పూర్తిగా ఉడికించాలి.

స్టవ్‌మీద బాణెలి పెట్టి నూనె వేసి కాగాక, ఎండుమిర్చి, జీలకర్ర, ఆవాలు, కరివేపాకు, వెల్లుల్లి. ఆ తరువాత ఉల్లిపాయ ముక్కలు వేసి వేయించాలి.

ఆపై టొమాటో ముక్కలు, పసుపు వేసి మూతపెట్టి ఉడికించాలి. ఇప్పుడు ఉడికించిన పప్పు, సొరకాయముక్కలు, ఉప్పు, బెల్లం, చింతపండు గుజ్జు వేసి బాగా కలిపి ఓ 2 నిమిషాలు సిమ్‌లో పెట్టి ఉడికించాలి.

చివరగా నెయ్యి, కొత్తిమీర కూడా వేసి కలిపి దించాలి. అంతే శెనగపప్పుతో కాయగూరల మసాలా రెడీ.