దోసకాయ కూర

కావలసిన పదార్థాలు :

• దోసకాయలు. 1 కిలో
• పచ్చిమిర్చి. 6
• వెల్లుల్లి. 2 రెబ్బలు
• ఎండుమిర్చి. 2
• పోపుగింజలు. సరిపడా
• నూనె. 25 గ్రా
• ఉప్పు. సరిపడా

తయారు చేయు విధానం :

దోసకాయల పై చెక్కుతీసి చేదులేకుండా చూసుకుని చిన్న చిన్న ముక్కలుగా తరిగి ఉంచుకోవాలి.పచ్చిమిర్చి వేరే ప్లేటులోకి ముక్కలుగా తరిగి తీసుకోవాలి.

నూనె కాచి వెల్లుల్లి ఎండుమిర్చి పోపుగింజలు కరివేపాకూ వేసి చిటపటలాడాక పచ్చిమిర్చి కూడా వేసి ఆ వెనకే దోసముక్కల్ని అందులో పోసి మూత పెట్టాలి.

ముక్క బాగా మెత్తబడ్డాక ఉప్పు చల్లుకుని కలిపి దింపుకోవాలి. అంతే దోసకాయ కూర రెడీ. ఇది చపాతీల్లోకి బాగుంటుంది.