చింతకాయ పాలకూర పప్పు

కావలసిన పదార్థాలు

• చింతకాయలు. ¼ కప్పు
• కందిపప్పు.. 1 కప్పు
• పాలకూర.. 1 కట్ట
• ఉల్లిపాయ. 1
• నూనె.. 1. టీస్పూ//
• పచ్చిమిర్చి.4
• ఎండుమిర్చి. 3
• కరివేపాకు. 2 రెబ్బలు
• ఉప్పు. సరిపడా
• జీలకర్ర, 1 టీస్పూ//
• ఆవాలు. 1 టీస్పూ//
• ఇంగువ. చిటికెడు
• కొత్తిమీర. తగినంత

తయారీ విధానం

ముందుగా ఒక పాత్రలో నీళ్లు పోసి చింతకాయ ముక్కలను వేసి మెత్తగా ఉడికించి, మెదుపుకోవాలి.

మెదిగిన చింతకాయ ముక్కలను గట్టిగా పిండి రసం తీసుకోవాలి.

తర్వాత, కుక్కర్‌లో రెండు కప్పుల నీటిని పోసి అందులో కందిపప్పు, పాలకూర, పచ్చిమిర్చి వేసి 3 విజిల్స్ వచ్చేదాకా ఉడికించాలి.

ఇప్పుడు ఒక బాణెలిలో నూనె వేసి వేడయ్యాక, ఆవాలు, జీలకర్ర, ఉల్లిపాయలు వేసి గోధుమరంగు వచ్చేదాకా వేయించాలి.

తర్వాత, ఎండుమిర్చి, ఇంగువ, కరివేపాకు వేసి ఇంకో రెండు నిమిషాలు వేయించాలి.

ఇప్పుడు ఉడికించుకున్న పప్పు మిశ్రమాన్ని పోపులో పోసి, చింతకాయ గుజ్జు, ఉప్పు, తగినంత నీటిని అందులో కలిపి, పదిహేను నిమిషాలు ఉడికించి దించేయాలి.

చివర్లో సన్నగా తరిగిన కొత్తిమీర వేసి వడ్డించాలి.